luns, 10 de xullo de 2017

OBRAS SELECCIONADAS NOS CONCURSOS LITERARIOS (Concello de Verín)

O Concello de Verín convocou, como en anos anteriores, o Certame de Relato Curto "Antonio Fernández Pérez" e o Certame de Poesía "Xosé Carlos Caneiro" (enlace ás  bases na web do concello), no que participan alumnos/as de todos os centros docentes da comarca de Verín, clasificados por categorías (5º e 6º de Primaria, 1º ciclo da ESO e 2º ciclo da ESO).

Tras a selección das obras participantes en cada centro, e o fallo do xurado en cada modalidade e categoría, o Día das Letras Galegas (17 de maio) tivo lugar o anuncio das obras premiadas e a entrega de premios no auditorio de Verín, ca presencia do escritor Xosé Carlos Caneiro (enlace a noticia en prensa ca entrega de premios, con foto de tod@s os premiad@s).


Ca chegada das vacacións, non queremos deixar de lembrar a boa ocasión que nos ofrece o verán para a LECTURA (calquer época e momento serán sempre bos). Que vos parece adicar un tempo saboroso a percorrer os relatos e poemas dos vosos compañeiros/as de instituto, seleccionados nos certames literarios? Ben seguro que vos prestarán...

PARABÉNS a todos/as os/as participantes, nunca deixedes de crer e seguir á vosa inspiración...!

1º ciclo ESO:

Uxía Martínez Barreal (relato "OPedaciño de Tea" )
Sheila Prieto Estévez (relato "Invisible")
Lucas Pardo Pardo (relato "O Val dos Insectos")

2º ciclo ESO:

Mª Luz Pascual Gallego ( poesía "Pobres ignorantes")
Carlos Villarino Pérez (relato "Non teñas pesadelos")
Alicia da Gloria Rúa (en breve actualizarase o relato)

CONCURSO FOTO-POEMA: exposición e premios


Na X Romaría das Letras Galegas deuse a coñecer o resultado do Concurso Foto-Poema convocado a finais do primeiro trimestre deste curso 2016/2017. Anteriormente foron expostas as fotografías e poemas participantes, tanto na categoría de alumnos/as (que foron as que concorreron aos premios) coma na categoría de profesores e persoal non docente (expuxéronse sen "competir" no concurso). Damos os parabéns a tod@s @s participantes, por permitirnos desfrutar a todos da vosa creatividade e aportación á exposición colectiva de foto-poemas.



E aquí temos o foto-poema gañador... PARABÉNS!!

1º PREMIO: Sheila Prieto Estévez (2ºB)
Poema:
"É noite pechada e chove miudiño.
Nas lousas de pedra,
ó longo da rúa
escura e deserta,
estoupan as pingas
que deitan as tellas"
(Ramón Cabanillas)
Fotografía:

Parabéns tamén aos participantes finalistas. Expoñemos algúns dos foto-poemas máis votados (no enlace ao final desta entrada tedes acceso a todas as fotografías e poemas participantes):

Lucas Pardo (2ºB):
Poema:
"Maila ó teu nome sonoro, 
eres regato e non río:
¡o teu caudal tan esguío
nunca encherá un encoro!"
(Manuel María)
Fotografía:


David González (1ºB):
Poema:
Fotografía:


Tatiana Barja (1ºA):
Poema (ilustrado):
Fotografía:


Xiana Feijoo (1ºA):
Poema adaptado (ilustrado):
Fotografía:


Paula Sanchoyerto (2ºB):
Poema:
Fotografía:


Estrella Rivero (3ºB):
Poema:
"Adiós ríos, adiós fontes,
adiós regatos pequenos..."
(Rosalía de Castro)
Fotografía:

Neste enlace tedes acceso a todas as fotografías participantes e os respectivos poemas enviados. A tod@s os que colaboráchedes, de novo PARABÉNS!

X ROMARÍA DAS LETRAS GALEGAS no IES Castro de Baronceli

O luns 22 de maio celebramos no centro a tradicional Romaría das Letras Galegas, e imos xa pola X edición!! Ao longo da xornada compartimos unha serie de actividades diferentes que fixeron desta unha data moi sinalada, coa participación de toda a comunidade educativa do instituto.


Como contamos na anterior entrada do blog, este ano inaguramos a Aula Pedro Armestre, en homenaxe á súa carreira no mundo do fotoperiodismo e á súa implicación en múltiples causas sociais e ambientais. Recomendamos de novo esta presentación que vimos momentos antes de inagurar a aula; nela intentamos expoñer (sen extendernos moito, o cal non é doado dada a súa traxectoria) algúns trazos da súa biografía, obra e causas nas que colabora. A presentación enlaza con dous vídeos: o primeiro, abraiante, deu a volta ao mundo en cuestión de horas... Pedro tomaba imaxes a varios metros do pianista Einaudi, en pleno glaciar; o segundo vídeo é un regalo que nos fixo Pedro...desfrutádeos (recomendamos descargar primeiro a presentación para vela completa, con música e enlaces).


A continuación tivo lugar o gran festival cas actuacións que os/as alumnos/as levávades tempo preparando. Tivemos a oportunidade de desfrutar ca interpretación adaptada da obra de teatro "As laranxas máis laranxas de todas as laranxas" de Carlos Casares (a quen se adica o Día das Letras Galegas neste 2017) polos alumnos de 4º, e dun bo número de interpretacións musicais a cargo dos diferentes grupos e clases, obras preparadas e ensaiadas nas clases de Música. Noraboa polo voso bo facer!!


Durante o festival tivo lugar tamén a entrega de premios de varios dos concursos celebrados no centro ao longo das últimas semanas e meses: concurso de disfraces do Entroido, marcapáxinas da Biblioteca, cartel anunciador da X Romaría, foto-poemas, cartel para o concurso de cubo "Rubik" e mención aos premiados/as dos certames literarios do concello de Verín (teñen unha entrada específica posterior neste blog incluíndo as obras premiadas). Noraboa a todos/as os premiados/as e participantes!!


A continuación, compartimos o xa tradicional xantar popular na zona exterior cuberta, onde alternamos conversas e risas ca empanada, churrasco, polbo... Na sobremesa decidiuse (tras unha saborosa e nada doada comparación) a gañadora no tamén tradicional concurso de larpeiradas da Romaría, noraboa a Marta Diéguez (1ºA) pola súa receita e rica larpeirada!


Ambientamos a sobremesa non só con xeado e doces...a canteira de música tradicional do noso Baronceli tirou de repertorio galego para amenizar cunhas cantas pezas. Que non falte a música tradicional nas nosas festas!!


Como novidade nesta X Romaría, trala sobremesa celebrouse o I Concurso de Cubo "Rubik" organizado polo Departamento de Matemáticas, cunha gran expectación dado o adestramento practicado ao longo de todo o curso. Nas semanas previas houbo un certame de carteis para anunciar o concurso, e o cartel gañador foi o elaborado por Sheila Prieto (2ºB), que resultou tamén ser a gañadora do concurso de cubo! Unha boa demostración de que a habilidade, a constancia e as estratexias matemáticas poden ser do máis entretidas e sorprendentes, parabéns pola iniciativa! Noraboa a Sheila e a tod@s os participantes e organizadores!!

(neste enlace podedes acceder a algúns vídeos e fotos do I Concurso de Cubo "Rubik")

E para rematar a Romaría, os/as máis valentes desafiaron o intenso calor da tarde enredando con varios xogos populares: ra, chave, aros, tiro de corda, zancos, carreiras de sacos... Non esquezamos que non se necesitan grandes medios nin inversións para compartir un anaco de tempo agradable desfrutando das cousas sinxelas de sempre.


No seguinte enlace tedes acceso a moitas máis fotos da X Romaría das Letras Galegas. Grazas aos profes de Tecnoloxía e E.Plástica, Manuel e Marta, pola vosas fotos da xornada. Grazas a tod@s os que formades parte da comunidade educativa do noso Baronceli, por seguir facendo posible unha Romaría das Letras de tod@s e para tod@s!


sábado, 27 de maio de 2017

INAGURACIÓN DA AULA "PEDRO ARMESTRE" na X Romaría das Letras Galegas

No instituto Castro de Baronceli continuamos coa tradición -iniciada hai xa dez anos- de celebrar a Romaría das Letras Galegas nunha data próxima ao 17 de maio. Un dos eventos incluídos na Romaría é a inaguración no centro dun aula co nome dun persoeiro vencellado á comarca. O obxectivo desta adicación é poñer en valor a vida e obra de persoas que, partindo dos mesmos lugares de prodecendencia que os nosos alumnos/as, acadaron ou están a acadar uns logros destacables no seu ámbito profesional, e cremos poden servir de modelo de inspiración para eles. Coñecendo e admirando a súa traxectoria, aspiramos a alentalos/as a confiar nos seus soños e aspiracións, e a poñerse mans á obra para facelos realidade.


Neste ano 2017, a figura escollida para a adicatoria da aula non poder resultar máis inspiradora. Pedro Armestre, natural de A Rasela (Verín), non só ten acadado múltiples logros e recoñecementos  como fotoperiodista, senón que dende a súa actividade profesional -e posición relevante en medios nacionais e internacionais así como nas redes sociais- contribúe a facer visible moitos dos problemas sociais e medioambientais do noso mundo actual, especializándose naqueles que en moitas ocasións a maioría de medios de comunicación minimizan cando non directamente silencian. Invitamos a ver esta breve presentación  que vimos momentos antes de inagurar a súa aula na X Romaría das Letras; nela intentamos expoñer (sen extendernos moito, o cal non é doado dada a súa traxectoria) algúns trazos da súa biografía, obra e causas nas que colabora. A presentación enlaza con dous vídeos: o primeiro, abraiante, deu a volta ao mundo en cuestión de horas... Pedro tomaba imaxes a varios metros do pianista Einaudi, en pleno glaciar; o segundo vídeo é un regalo que nos fixo Pedro...desfrutádeos (recomendamos descargar primeiro a presentación para vela completa, con música e enlaces)

Como mostra da súa implicación nos temas sociais e mediambientais, recomendamos encarecidamente visitar a seguinte páxina web, encabezada por esta frase: "O periodismo só poder ser fiel á verdade e á información, sen esquecer dar voz a quen non a ten" (Pedro Armestre & Susana Hidalgo):

A súa aportación humana e profesional non só se reduce a visibilizar problemáticas sociais e ambientais -imprescindible labor- senón que tamén se implica traballando nas súas solucións, como por exemplo creando plataformas de colaboración persoais e colectivas con múltiples organizacións coas que traballa: Save the Children, Greenpeace, Acción contra el Hambre, Alianza por la Solidaridad...e outras. Na seguinte web, a "galería solidaria" de Pedro Armestre, a venda de Copias Numeradas e Series Limitadas inclúe a doazón de parte dos seus beneficios ás asociacións ou ONG coas que traballa. "Cando observes a túa adquisición, saberás que hai un grifo máis en Centroamérica, unha canalización, axuda para os que protexen os bosques primarios... A túa contribución é importante", destaca Pedro:

Entregarse aos proxectos nos que traballa, obriga a Pedro Armestre a realizar múltiples viaxes a destinos do máis variado e distante, e a asumir non poucos riscos derivados da súa implicación e coherencia. Pensando na importancia do que nos quere trasmitir, Pedro escribiunos unhas palabras para a inaguración da súa aula na X Romaría das Letras, palabras escollidas que imprimimos e expuxemos no centro:

Como "perla" que nos anticipa a súa visita ao noso centro no vindeiro outubro, Pedro enviounos este vídeo grabado dende a illa pacífica de Vanuatu, onde estivo en maio documentando os graves efectos do cambio climático (e onde os sorprendeu de cheo o ciclón Donna).
video

No instituto Castro de Baronceli non podemos máis que sentir verdadeiro orgullo por posuír unha aula adicada a quen transmite cas súas imaxes, palabras e feitos que un mundo mellor é posible, e que todos podemos e debemos cooperar xuntos para conseguilo. Percibimos, tamén, a responsabilidade e o valor de ser transmisores das causas ás que Pedro Armestre se adica. Gracias, Pedro, pola túa obra, e conta con nós para divulgala entre as xeracións que posúen o futuro

CONCURSO DE CARTEIS DA X ROMARÍA DAS LETRAS GALEGAS

No concurso de carteis da X Romaría das Letras Galegas, o gañador e polo tanto o escollido para anunciar a Romaría neste ano 2017, foi o elaborado conxuntamente por Lorena Alonso e Sandra Alonso, do grupo de 3ºA. Parabéns a tod@s @s participantes, premiadas e finalistas!!


No seguinte enlace podedes acceder a fotos en detalle de todos os carteis expostos que se presentaron ao concurso.



domingo, 30 de abril de 2017

CINE GALEGO: "SICIXIA"



O 31 de marzo os nosos alumnos/as de 3º e 4º ESO asistiron á proxección do filme galego "SICIXIA", na Casa da Cultura de Verín. Esta longametraxe, dirixida por Ignacio Vilar (director de Pradolongo, Vilamor ou A Esmorga, entre outras), e producida por Vía Láctea filmes, está ambientada na Costa da Morte e mestura ficción e realidade narrando a inesperada historia entre Xiao, un enxeñeiro de son, e Olalla, unha guía local.

A película, estreada en 2016, retrata o excepcional patrimonio da Costa da Morte, e foi rodada nos seguintes lugares de Galicia: Cabana de Bergantiños, Camariñas, Carballo, Carnota, Corcubión, Cee, Cerceda, Dumbría, Fisterra, Gaiás (Santiago de Compostela), Muxía e Zas, na provincia da Coruña; Sabucedo (A Estrada) e a Illa de Arousa, na provincia de Pontevedra. Recomendamos visitar a seguinte ligazón sobre este filme.

ABRINDO AS PORTAS DA LUSOFONÍA


O venres 17 de marzo, tras varios anos consecutivos intentando cadrar axendas (e sempre contando ca súa boa disposición e interese), tivemos o luxo de poder escoitar no noso centro a Carmen Villarino Pardo, Doutora en Filoloxía e profesora especialista en Literatura Brasileira da Universidade de Santiago de Compostela (USC), nunha conferencia destinada aos alumnos/as de 3º e 4º da ESO (á dereita na fotografía). Tamén de luxo foi escoitar aos leitores -colaboradores nas clases de Filoloxía da USC- que a acompañaron e participaron no acto (de esquerda a dereita na fotografía anterior): Márlio Barcelos (lector brasileiro da USC), Carla Sofía Amado (lectora de portugués na USC e Directora do Instituto Camões en Galicia) e Benevides Maurício (lector angolano da USC no curso anterior e profesor do Instituto Superior de Ciência e Educação en Luanda - Angola).

Contáronnos cousas tan importantes como que a lingua portuguesa fálana, aproximadamente, 250 millóns de persoas, coas que podemos entendernos se viaxamos a algún dos 8 países en que é língua oficial. É a quinta lingua máis usada en internet (tendo sido a cuarta, con maior taxa de crecemento), e a terceira lingua máis utilizada en Facebook (segundo os datos do informe coordenado por Luís Reto sobre o Potencial Económico da Língua Portuguesa, de 2012) evidenciando a súa importancia a nivel mundial.


Grazas a eles, puidemos coñecer que no VIII Congresso da Associação Internacional de Lusitanistas, (celebrado en 2005 na Universidade de Santiago de Compostela), o escritor brasileiro Luiz Ruffato propuxo o termo galeguia para incluir todos aqueles territorios que falan a mesma lingua orixinada hai séculos na Galiza e que permite, ainda hoxe, entendernos en varios continentes.

Asimesmo, lembraron que a Lei Valentím Paz Andrade, aprobada en 2014 no Parlamento galego, compromete ao Goberno galego a incorporar progresivamente a aprendizaxe da lingua portuguesa como lingua extranxeira nos centros de ensino galegos, e a promover os vínculos coa lusofonía nos medios radiofónicos e televisivos entre outros ámbitos. Esta lei foi o resultado dunha iniciativa lexislativa popular presentada no ano 2013 co apoio de 17.000 sinaturas.

"Abrir as postas da lusofonía" foi abrir a nosa mente ás enormes posibilidades de falar un idioma que nos permite entendernos en moitas partes do planeta, dende unha viaxe a un número amplo de países (Portugal, Brasil, Angola, Mozambique, Guiné Bissau, São Tomé e Príncipe, Cabo Verde e Timor Leste) ata comunicarnos nas redes sociais ou enviar o noso currículum vitae para traballar en innmerables proxectos e empresas que empregan a nosa familia lingüística... por citar tan só algunhas das potencialidades da nosa lingua.

Non podemos máis que reiterar o noso enorme agradecemento a Carme e aos seus acompañantes Márlio, Carla e Benevides, pola valiosa oportunidade que nos brindaron ao visitarnos e transmitirnos todo o que unhas liñas dun blog non poden resumir... Para vós o agradecemento e afecto da comunidade escolar do noso IES Castro de Baronceli, na que en marzo de 2017 deixáchedes unha importante pegada.


Recomendamos visitar estes dous enlaces a sendos vídeos, mostrados durante a conferencia:
    "Racismo é burrice"
    "O que é Lusofonía?

No seguinte enlace hai máis fotos da actividade...

mércores, 12 de abril de 2017

DÍA DA MULLER TRABALLADORA (8 de marzo)


O 8 de marzo (mais non só ese día), no noso instituto Castro de Baronceli unímonos aos millóns de voces en todo o mundo que reivindican valorar como se merece o papel da muller en toda clase de traballo, así como loitar para rematar cas inxustizas e discriminacións que todavía sofren en moitos casos.

No canón do corredor principal expuxéronse as infografías realizadas polos alumnos de 1º e 2º de ESO en Valores Éticos, sobre a vida e obra de destacadas (e case sempre pouco recoñecidas) mulleres artistas na historia. Parabéns pola iniciativa e o voso traballo!


FOTOENTROIDO 2017


Un ano máis, o ENDL do IES Taboada Chivite convocou o concurso fotográfico FOTOENTROIDO para os membros dos tres institutos de Verín. As fotos de todos os participantes atópanse no blog intercentros  normacigarron.blogspot.com.es
http://normacigarron.blogspot.com.es/

Elíxese unha foto gañadora por cada centro, e entre esas tres finalistas escóllese a foto gañadora do concurso. A foto finalista do noso centro IES Castro de Baronceli foi a enviada por Julie Fernández Losada, de 3º A, que leva por lema: "Non lograrán roubarnos a ilusión"

Parabéns a tod@s @s participantes!!